Проектот СУПЕРУЧИЛИШТА финансиран и поддржан од Регионалната канцеларија за младинска соработка на Западен Балкан (RYCO) со наслов „Храната во хармонија со природата“ се реализира со партнерска соработка помеѓу Државно средно училиште – Регионален центар за стручно образование и обука „Киро Бурназ“ од Куманово и Угоститељско-прехранбена школа Чачак, Република Србија. Основните цели на проектот се интеркултурно учење и градење мир, како и размена на искуства, обичаи и навики во животот на младите кои доаѓаат од две различни земји кои имаат многу разлики, но и сличности. Дополнително, во фокусот на проектот е стекнување знаења, искуства и навики за зачувување на природата, органско производство на храна и одржлив развој.
Во рамките на првата размена организирана во период од 24 – 30 Ноември 2024 година, домаќин беше Угоститељско-прехранбена школа Чачак, а учество земаа 14 ученика и 2 наставника од ДСУ-РЦСОО „Киро Бурназ“. Според однапред утврден план на активности и агенда одобрена од RYCO, учениците и наставниците зедоа учество во бројни активности:
- Групни правила
- Запознавање со културата, обичаите и навиките во Србија
- Тим билдинг
- Изработка на мурал на тема „Мир“
- Бариери во дијалогот
- Посета на Меморијалниот парк во Чачак
- Посета на манастирите во областа Овџар Бања
- Ненасилна комуникација
- Дрво на конфликт/ решение
- Контроверзни проблеми
- Јас имам сон
- Интеркултурно учење
- Предавање на тема „Органско производство и конзервирање на храна“
- Садење на овошни насади
- Подготовка на српски специјалитети за јадење
- Проштална забава
Покрај задолжителните активности, учениците имаа можност да се запознаат и стекнат нови пријателства со своите врсници од Србија. Настанот помина во извонредна позитивна атмосфера, на големо задоволство на сите учесници и во целост ги исполни сите предвидени цели на проектот.
