Më 15.06.2024, SHMSH–QARSO „Kiro Burnaz“ mori pjesë në edicionin e njëzetë jubilar të karnavalit maskaradë „Batko Gjorgjia“, i organizuar nga Fondacioni për Kulturë dhe Sport pranë Komunës së Kumanovës. Shkolla jonë, SHMSH–QARSO „Kiro Burnaz“, u prezantua me maskën „ENGJËJT“, e realizuar nga nxënësit dhe mësimdhënësit e shkollës sonë.
Karnavali i këtij viti kishte karakter revial, ku morën pjesë 15 maska grupore me mbi 500 pjesëmarrës.
„Engjëjt“ u prezantuan të fundit dhe shkëlqyen me bukurinë e tyre. Duke shpalosur krahët e tyre të bardhë madhështorë, ata interpretuan koreografinë e tyre para publikut në Sheshin e Qytetit.
Paraqitja e tyre u shpërblye me duartrokitje të fuqishme nga publiku dhe komente pozitive nga kalimtarët e rastit. Krenarë për shkollën tonë! Vazhdojmë përpara!