На 13 март 2026 година со учениците беше реализирана интерактивна работилница во рамки на кариерното советување, каде преку RIASEC тестот за интереси учениците имаа можност подобро да ги препознаат своите способности, интереси и потенцијални кариерни патеки.

Преку пополнување на работниот лист и анализа на резултатите, учениците го откриваа својот личен RIASEC код (Realistic, Investigative, Artistic, Social, Enterprising, Conventional) и разговаравме за тоа кои професии и области на студирање најмногу се поврзуваат со нивните интереси.

Целта на работилницата беше:

• учениците да станат посвесни за своите интереси

• да размислуваат за идната кариера

• да ги поврзат своите силни страни со можни професии

Работилницата беше исполнета со дискусија, размислување и откривање на нови можности за идниот професионален развој на учениците.

Младите кога ги познаваат своите интереси – полесно го избираат својот пат!